Y gwanwyn hwn, mae Articulture a phartneriaid yn lansio #AgorAllan – gyda chronfa o £15K ar gyfer artistiaid heb gynrychiolaeth sylweddol i ddatblygu a theithio gweithiau celf awyr agored newydd yng Nghymru. Oes gennych chi syniad? Mae’n syml – cysylltwch â ni i ddweud helo.
Ysbryd y cyfle hwn yw ‘agor allan’ – agor lleoedd, syniadau, posibiliadau a chamu allan yn yr awyr agored gyda’i gilydd.
Mae’r cyfle hwn i artistiaid sydd eisiau gweithio yn y Gymraeg, y rhai sy’n uniaethu fel Pobl Dduon, Frodorol neu Bobl o Liw a phobl sy’n Fyddar neu’n Anabl. Mae gennym ddiddordeb mewn clywed gan y rhai sy’n gweithio yn yr awyr agored, a’r rhai a hoffai wneud hynny am y tro cyntaf. Rhaid i’r prif artist fod wedi ei leoli yng Nghymru.
Rydym yn croesawu syniadau sy’n –
* Digwydd mewn ‘man cyhoeddus’ yn y lleoliad a lleoliadau gŵyl partner
* Medru cael eu mwynhau gan gynulleidfa ddwyieithog – Cymraeg a Saesneg
* Ystyried heriau a chyfleoedd ymbellhau cymdeithasol a’r tywydd
* Dod â phobl o wahanol gefndiroedd i gydweithio
* Gellir ei chreu ar gyfer cyllideb o hyd at £5,000
Gallwch ymweld â gwefan Articulture i weld delweddau a ffilmiau o waith celf awyr agored rydym wedi helpu i’w creu yn y gorffennol – https://articulture-wales.co.uk/book/
Yn ogystal â’r £5,000, bydd Articulture yn gweithio gyda’r artistiaid a ddewisir i ddarparu cymorth ar bob cam o greu a theithio’r gwaith. Gall hyn gynnwys creu, cynhyrchu, marchnata a chynhyrchu.
Partneriaid a’u lleoliadau –
* Gŵyl Beyond the Border, Sir Gaerfyrddin
* Theatr Clwyd, yr Wyddgrug
* Canolfan Mileniwm Cymru, Caerdydd
* Pontio, Bangor
* Eisteddfod Genedlaethol Cymru
* Canolfan y Celfyddydau Aberystwyth
* Glan yr Afon, Casnewydd
* Taliesin (Dyddiau Dawns), Abertawe
* Ffwrnes, Theatrau Sir Gâr, Llanelli
* Ymddiriedolaeth AWEN, lleoliad i’w gwblhau
* Y Neuadd Les Ystradgynlais
* The Borough, y Fenni
Mae’r partneriaid hyn yn gweithio gyda’i gilydd fel grŵp o’r enw ‘Consortiwm Celfyddydau Awyr Agored Cymru’, sy’n cael ei reoli gan Articulture. Maent am gefnogi mwy o gelf yn yr awyr agored ym mhob un o’u lleoliadau, i’w cynulleidfaoedd gymryd rhan ynddynt a’u mwynhau.
Y cynllun yw i’r tri gwaith awyr agored newydd fynd ar daith i leoliadau’r partneriaid yn 2021 a 2022. Nid yw’r dyddiadau wedi’u pennu eto, a byddant yn cael eu trefnu gyda’r partneriaid pan gaiff syniadau eu datblygu.
Oes gennych chi syniad?
Cysylltwch â ni i ddweud helo –
E-bost – rosie@articulture-wales.co.uk
Ffôn (ffoniwch neu anfonwch neges destun) – 07966 071073
Facebook – facebook.com/ArticultureWales
Twitter – @Articulture_
Beth sy’n digwydd nesaf?
Gall tîm Articulture eich cefnogi i ddatblygu eich syniad, er mwyn iddo fod yn barod i’w rannu gyda’r partneriaid erbyn dydd Gwener 7 Mai.
Bydd y partneriaid wedyn yn edrych ar eich syniad, ynghyd ag eraill. Byddant yn dewis pa syniadau i’w datblygu gyda’i gilydd.
Os dewisir eich syniad gan y partneriaid, byddwch yn dechrau datblygu eich syniad gyda chymorth Articulture o Dydd Llun 17th Mai.
Efallai y bydd teithio’n bosibl o ddechrau mis Gorffennaf – yn dibynnu ar gyfyngiadau COVID
#Cefnogir AgorAllan2021 gan Gyngor Celfyddydau Cymru, Articulture a Chonsortiwm Celfyddydau Awyr Agored Cymru.
